新年快樂！龍馬精神！身體健康！新年嘅祝賀說話我哋就講得多，但係又想唔想知點樣可以更加快樂、更加精神、更加健康呢？係時候介紹輔酶Q10俾你認識啦～

輔酶Q10（Coenzyme Q10），又叫做Q10，係一種抗氧化劑，儲存喺細胞裡面嘅線粒體，專門幫助身體製造能量同對抗自由基1，所以越需要能量嘅器官例如心臟同肝臟Q10嘅濃度就會越高。其實身體會自動製造Q10，不過個產量會隨住年紀越嚟越少，所以唔少銀髮族都缺乏呢種輔酶2。而最近研究發現，唔夠Q10原来同心臟問題、腦部疾病甚至癌症有關3。雖然暫時未確定到呢啲問題係咪由Q10唔夠而直接導致，不過我哋確定嘅就係有好多研究都證實Q10對我哋嘅健康有各式各樣嘅好處。

首先，Q10可能幫到我哋嘅情緒。躁鬱症（Bipolar Disorder）係一種普遍嘅情緒障礙，患者會一時異常咁開心，一時非常嘅憂鬱。而最近哈馬丹大學嘅臨床研究發現患者每日食200毫克Q10維持8個禮拜之後，憂鬱嘅程度比起對照組輕微好多4，甚至有3個患者聲稱食完之後完全冇晒症狀添！所以Q10可能有幫到大家冇咁憂鬱同開心啲嘅作用～

除此之外，Q10都可能幫到我哋提升精神。有時我哋有啲唔良好嘅生活習慣，會令到細胞裡面嘅氧化壓力（Oxidative Stress）變大，有機會導致線粒體功能異常，而令到啲肌肉冇咁有效率咁製造能量。Q10身為儲存喺線粒體嘅抗氧化劑，可以幫助舒緩呢啲氧化壓力，令到身體有多啲能量嘅時候，可以減少攰嘅情況5。而確實，加拿大麥馬士達大學臨床研究嘅結果表示，食咗60日高劑量1,200毫克Q10之後，線粒體異常患者嘅氧化壓力真係有改善嘅情況6，咁就可以幫助到增加能量同提升精神。

去到健康方面，Q10嘅功能真係包羅萬有！呢個超級抗氧化劑嘅好處由改善心臟衰竭嘅病徵同降低死亡率7，去到偏頭痛嘅時候冇咁頭痛8，又幫助控制糖尿病嘅情況9，甚至可以令到皮膚少啲皺紋同靚啲添10！其實Q10仲有好多淋淋瀋瀋嘅好處，差唔多咩都會幫到啲嘅時候，相信整體健康都可能會有改善嘅情況啦～

睇完咁多Q10嘅好處之後，仲唔即刻考慮去試？！最後都祝大家呢年真真正正嘅新年快樂，龍馬精神，身體健康，一齊過一個美滿嘅一年！

Reference:

• 1. Garrido-Maraver, J., Cordero, M. D., Oropesa-Ávila, M., Fernández Vega, A., de la Mata, M., Delgado Pavón, A., de Miguel, M., Pérez Calero, C., Villanueva Paz, M., Cotán, D., & Sánchez-Alcázar, J. A. (2014). Coenzyme Q10 therapy. Molecular Syndromology, 5(3-4), 187–197. https://doi.org/10.1159/000360101 
• 2. Aaseth, J., Alexander, J., & Alehagen, U. (2021). Coenzyme Q10 supplementation – in ageing and disease. Mechanisms of Ageing and Development, 197, 111521. https://doi.org/10.1016/j.mad.2021.111521 
• 3. Garrido-Maraver, J. (2014). Clinical applications of coenzyme Q₁₀. Frontiers in Bioscience, 19(4), 619. https://doi.org/10.2741/4231 
• 4. Mehrpooya, M., Yasrebifar, F., Haghighi, M., Mohammadi, Y., & Jahangard, L. (2018). Evaluating the effect of coenzyme Q10 augmentation on treatment of bipolar depression. Journal of Clinical Psychopharmacology, 38(5), 460–466. https://doi.org/10.1097/jcp.0000000000000938 
• 5. Glover, E. I., Martin, J., Maher, A., Thornhill, R. E., Moran, G. R., & Tarnopolsky, M. A. (2010). A randomized trial of coenzyme Q10IN mitochondrial disorders. Muscle & Nerve, 42(5), 739–748. https://doi.org/10.1002/mus.21758 
• 6. Glover, E. I., Martin, J., Maher, A., Thornhill, R. E., Moran, G. R., & Tarnopolsky, M. A. (2010). A randomized trial of coenzyme Q10IN mitochondrial disorders. Muscle & Nerve, 42(5), 739–748. https://doi.org/10.1002/mus.21758 
• 7. Mortensen, S. A., Rosenfeldt, F., Kumar, A., Dolliner, P., Filipiak, K. J., Pella, D., Alehagen, U., Steurer, G., & Littarru, G. P. (2014). The effect of coenzyme Q 10 on morbidity and mortality in chronic heart failure. JACC: Heart Failure, 2(6), 641–649. https://doi.org/10.1016/j.jchf.2014.06.008 
• 8. Sandor, P. S., Di Clemente, L., Coppola, G., Saenger, U., Fumal, A., Magis, D., Seidel, L., Agosti, R. M., & Schoenen, J. (2005). Efficacy of coenzyme Q10 in migraine prophylaxis: A randomized controlled trial. Neurology, 64(4), 713–715. https://doi.org/10.1212/01.wnl.0000151975.03598.ed 
• 9. Zahedi, H., Eghtesadi, S., Seifirad, S., Rezaee, N., Shidfar, F., Heydari, I., Golestan, B., & Jazayeri, S. (2014). Effects of coq10 supplementation on lipid profiles and glycemic control in patients with type 2 diabetes: A randomized, double blind, placebo-controlled trial. Journal of Diabetes & Metabolic Disorders, 13(1). https://doi.org/10.1186/s40200-014-0081-6 
• 10. Hoppe, U., Bergemann, J., Diembeck, W., Ennen, J., Gohla, S., Harris, I., Jacob, J., Kielholz, J., Mei, W., Pollet, D., Schachtschabel, D., Sauermann, G., Schreiner, V., Stäb, F., & Steckel, F. (1999). Coenzyme Q10, a cutaneous antioxidant and Energizer. BioFactors, 9(2-4), 371–378. https://doi.org/10.1002/biof.5520090238